Dhunë në stadiumin “Elbasan Arena”

Incidentet e ndodhura mbrëmjen e së dielës në “Elbasan Arena” kanë shënuar për sportin në Shqipëri një rikthim në kohën kur tifozët përlesheshin me policinë dhe kundërshtarët. Fatmirësisht, nga raportimet e mëvonshme u bë e ditur se asnjë prej tifozëve nuk ishte në gjendje të rëndë për jetën. Sipas policisë, forcat blu kanë zbatuar me përpikmëri planin e masave, ndërsa për “guerilasit” policia ka kaluar kompetencat e saj duke ushtruar dhunë të paprecedent mbi ta. Tifo grupi i Partizanit ka reaguar përmes një statusi në faqen e tyre në Facebook, ku ndër të tjera sqarojnë se në ditët në vijim do të përgatisin një relacion me materiale filmike.