Rusia paralajmëron SHBA për masa të “dhembshme”

Russia's President Vladimir Putin (R, back) walks in as he attends a session during the Week of Russian Business, organized by the Russian Union of Industrialists and Entrepreneurs (RSPP), in Moscow, March 19, 2015. Putin said on Thursday that the central bank's key rate remains rather high, but it is warranted by current conditions. REUTERS/Maxim Zmeyev

Zëvendësministri i Jashtëm rus, Sergei Ryabkov ka thënë se, Moska është në gjendje të marrë masa “asimetrike” dhe të “dhembshme” nëse Shtetet e Bashkuara vendosin sanksione më të forta ndaj Rusisë.
Ryabkov i është drejtuar ligjvënësve në dhomën e ulët të Parlamentit në Rusi, ku më vonë do të miratohet dekreti i Presidentit Vladimir Putin, për suspendimin e marrëveshjes së plutoniumit me Uashingtonin.
Në projektligjin e dërguar në Parlament më 3 tetor, Putin ka vendosur parakushte nëse kjo marrëveshje rikthehet në fuqi. Aty përfshihen heqja e sanksioneve të SHBA-së ndaj Rusisë dhe kompensimin e dëmeve që kanë shkaktuar ato, si dhe reduktimi i infrastrukturës ushtarake amerikane, si dhe zvogëlimi i trupave në Evropën Lindore.
Më 16 tetor, Shtetet e Bashkuara dhe Britania kanë thënë se janë duke e konsideruar mundësinë për vendosjen e sanksioneve të reja, me qëllim që t’i bëhet presion qeverisë siriane dhe mbështetësve të saj për t’i dhënë fund bombardimeve në qytetin e Alepos.
Rusia është aleat kyç i Presidentit sirian, Bashar al-Assad.