Grindjet rreth rolit të FMN

Shumë i rëndësishëm këtu është edhe roli i Fondit Monetar Ndërkombëtar, rreth të cilit ka shumë grindje. FMN mendon se borxhet greke janë të paqëndrueshme. Ai kërkon që Greqia të jetë pjesë e financimeve të programit të shpëtimit. Disa vende të BE-së, ndër to edhe Gjermania, kanë kundërshtuar kërkesat për faljen e disa borxheve të Greqisë. Kryeministri Alexis Tsipras thotë se krahas kontrolleve për vlerësimin e ekonomisë greke, duhet të ndërmerren edhe masa për faljen e borxheve. Ndërkohë që Greqia duhet të anëtarësohet edhe në programet e Bankës Qendrore Evropiane. Tsipras tha se së pari duhet të kryhen detyrat e shtëpisë e më pas do të shohim. Por kritikat kundër Berlinit nuk mund të pranohen. Për rolin e saktë të FMN ende nuk dihet saktë.
Por është shumë me rëndësi që FMN të mbetet në bord, jo vetëm për shkak të Greqisë, thotë analisti Nikos Filippidis në “TV-Skai”. Athina ka parashikuar që në vitin 2017 të rikthehet në tregje. Më së largu atëherë parashikohet një rritje ekonomike prej 2,5%, premton Tsipras. Profesori Petrakis thotë se kjo prognozë nuk është e sigurt.

Pika më e rëndësishme, reforma e tregut të punës
Për Athinën pjesëmarrja e FMN në programin e shpëtimit i ka edhe anët negative. Sepse askush tjetër nuk insiston kaq shumë në reformat e tregut të punës, në radhë të parë sa i përket mbrojtjes së punëtorëve nga largimi prej punës dhe dinamikës së re në treg. Për zgjedhësit majtistë të qeverisë, receptet “neoliberale” “janë linja e kuqe” e reformave. Ministri  i Punës, Jorgos Katrougalos po përpiqet të fitojë kohë. Ai po pret së pari një vendim të Gjykatës Evropiane për mbrojtjen e punëtorëve, për të miratuar reformën e tregut të punës. Ekonomisti Petrakis thotë se edhe kjo është një dëshmi se Athina po përpiqet të ngadalësojë reformat, sepse nuk dihet nëse gjykata do të marrë vendim deri në fund të këtij viti.