Arrestohet kreu i Komitetit Olimpik europian, Hickey

Kreu i Komitetit Olimpik europian, Patrick Hickey, është arrestuar në Rio me akuzën e shitjeve masive ilegale të biletave për eventin gjigant sportiv.
71-vjeçari Hickey dyshohet se ka furnizuar me bileta shitësit ambulantë, të cilët i shesin ato në tregun e zi me çmime tepër të larta. Arrestimi i Hickey-t vjen disa ditë pas arrestimit të një tjetër personi në Rio, i cili kishte shitur 800 bileta ilegale.
Policia tha se Patrick Hickey, i cili njëkohësisht drejton edhe Këshillin Olimpik të Irlandës, u mundua të largohej ndërsa kishin shkuar ta arrestonin, duke u fshehur tek dhoma ngjitur ku qëndronte djali i tij.