Banda vazhdon të sundojë në Kavajë, Ramës i duhet firma e Rroshit për pazaret e fundit

Kryeministri Edi Rama, Kryetari bashkise se Durresit, Vangjush Dako dhe Kryetari bashkise se Kavajes, Elvis Roshi, gjate ceremonise se mberritjes se makinerive dhe tubave te pare ne Shqiperi, te projektit te gazsjellesit TAP, prane Spitalles ne Durres./r/n/r/nAlbanian Prime Minister Edi Rama, Mayor of Durres Vangjush Dako and Mayor of Kavaja, Elvis Roshi, delivers a speech during the ceremony of arrival of first pipes of Trans-Adriatic Pipeline in Spitalle, near Durres, Albania, 18 April 2016. Trans-Adriatic Pipeline, TAP project, will cross Albanian territory before running undersea to Italy.

Partia Demokratike reagoi ashpër dje ndaj akteve të bandës së Elvis Rroshit dhe mos reagimit të autoriteteve përkatëse. Përmes një deklarate për mediat nga selia e PD, Ivi Kaso në cilësinë e Sekretarit për Zgjedhjet në PD reagoi në lidhje me sulmin e dhunshëm të një qytetari në Kavajë nga njerëzit e Rroshit. “Edi Rama vazhdon ta mbajë të vërsulur ndaj qytetarëve bandën kriminale të Elvis Rroshit në Kavajë, i cili është ende kryetar Bashkie, edhe pse u zbulua dënimi i tij në Itali për përdhunim. Dje, banda e Rroshit ka sulmuar sërish një qytetar, i cili një muaj më parë denoncoi dhunën shtazarake që ushtroi ndaj tij, vëllai i Rroshit, drejtor i Ramës për OSHEE-në në Kavajë, në ambientet e institucionit ku qytetari Julian Kola, kishte shkuar për t’u ankuar mbi një faturim të padrejtë. Dje, e njëjta bandë, ka dhunuar sërish këtë qytetar, i cili denoncon publikisht se ushtari i Rroshit e ka goditur edhe brenda furgonit të policisë dhe më keq, edhe në komisariat, ku njerëz me uniformën e shtetit, e kanë kërcënuar që të tërhiqet, të mos bëjë kallëzim” u shpreh Kaso. Pak javë më parë, vijoi ai, kjo bandë e Rroshit, e armatosur, plagosi në mes të ditës qytetarë të pafajshëm dhe kreun e Forumit Rinor të Partisë Demokratike. Megjithë, Kaso kujtoi se këto precedentë e këtë dhunë ndaj qytetarëve, megjithë këto akte skandaloze që tregojnë se kjo bandë është mbi ligjin, që ka në shërbim të saj policinë e gjithë zyrat e shtetit, sërish Edi Rama vazhdon ta mbajë e t’i japë pushtet kreut të këtyre banditëve, Elvis Rroshi. “Edhe pse e quajti botërisht të mbaruar shërbimin e Rroshit, kur u zbulua dënimi i tij në Itali për përdhunim, Rama në fakt po lejon e po përkrah të gjithë shërbimet kriminale të kësaj bande që sundon në Kavajë. Kush është motivi që e bën Ramën të mos ndahet dot nga këta kriminelë e nga kjo bandë e armatosur, me të cilët ndan pushtetin? A janë tenderat disa milionë euroshe që duhet të firmosë Elvis Rroshi, si ai i përroit të Leshniqës, para që oligarkia i ndan mes vedi? Apo është projekti fantazmë i Portit të Karpenit, ku pasuria kombëtare i jepet një firme të sajuar me 100 paund pasuri, e cila më pas e tregton sipas qejfit këtë aset të rëndësishëm të vendit? Çfarë po pret Edi Rama të shkarkojë nga detyra banditin e tij Rroshi? Përgjigjja është e thjeshtë: po pret shërbimet e fundit kriminale, ndarjen e parave dhe të pasurive kombëtare dhe për këtë i duhet edhe ca kohë firma e banditit Rroshi” tha Kaso. Julian Kola, një banor i Kavajës, i cili në fund të muajit qershor u dhunua nga vëllai i kreut të Bashkisë së Kavajës, ka rënë sërish pre e dhunës. Sipas “Panorama”, 56¬-vjeçari është sulmuar me grushte nga një person i afërt me Saimir Rroshin, vëllain e Elvis Rroshit, që mban detyrën e drejtorit të OSHEE-¬së në qytetin e Kavajës. Ai tregon se, ndërsa po shkonte për në shtëpi, pasi kishte pretë biletën për të udhëtuar drejt Italisë, në një lokal pranë shtëpisë e ka thirrur kamerieri, duke i thënë se po e kërkonte dikush. Kola, rrëfen se pasi hyri në lokal, Gëzim Xhameta që në Kavajë e njohin si Jaku, e ka ftuar për kafe. Vetëm pak minuta pasi është ulur, i riu i moshës rreth 35 vjeç, e ka goditur me grushte, duke e gjakosur, pasi iu drejtua me fjalët: “U bëre ti”. Policia ka shkuar në vendngjarje rreth 17 minuta pas lajmërimit nga Kola dhe ka marrë atë dhe agresorin në Komisariat. 57-¬vjeçari thotë se, Xhemeta e ka goditur edhe brenda makinës së Policisë. Madje, punonjësi i Policisë në Komisariatin e Kavajës, Kreshnik Mëlyshi gjatë marrjes në pyetje e ka kërcënuar Julianin, duke i thënë: “Do të fus në burg në qoftë se do të më biesh në dorë”. Sipas pretendimeve të Julianit, agresori është një “ushtar” i Elvis dhe Saimir Rroshit dhe banorët e tjerë i kanë treguar se ka rreth dy javë që Xhameta e ruante. Këtë incident, Kola e konsideron si “vazhdim” i dhunës së ushtruar në fund të muajit qershor, ngjarje për të cilën nuk pati asnjë përgjegjës.