Reali nuk dorëzohet në minutat e fundit

Reali i Madridit nuk dorëzohet kurrë. Skuadra e Zinedin Zidan ka arritur të grumbullojë 15 pikë në 5 ndeshje, kur ekipi ka shënuar në dhjetë minutat e fundit. Ky fakt tregon se me francezin ekipi madrilen ka gjetur besimin dhe forcën për të reaguar edhe atëherë kur ndeshja duket se ka marrë drejtimin e gabuar për Realin.
Në minutën e 85-të, Modriç shënon një supergol, duke dërguar shifrat në 1-2 për skuadrën e tij kundër Granadas.
Ndaj Las Palmas heroi i Realit është Kasemiro. Ai madje shënon dy gola në minutat e fundit, duke i dhënë skuadrës së tij 3 pikë me shumë vlera që e mban ende në garë për titullin kampion. Braziliani shënoi në minutën e 87-të dhe minutën e 89-të.
Nuk harrohet goli i Ronaldos ndaj Barcelonës në minutën e 85-të në “Kamp Nou”, që futi zyrtarisht në krizë skuadrën katalanase dhe i dhuroi një mbrëmje magjike Realit.
Përmbysja e çmendur e madrilenëve nga 2-0 në 3-2 ndaj Vajekanos mbajti firmën e Lukas Vaskez, i cili e dërgoi topin në rrjetë në minutën e 81-të.
Këtë javë, Garet Bejl mposhti skuadrën e Sociedadit në minutën e 80-të dhe falë golit të tij, ekipi i Zidan shpreson te titulli.