Lazio shuan ëndrrën e Interit për Champions

Ndeshja e mbrëmjes së të dielës në Serinë A ishte ajo mes Lazios dhe Interit, ku vendasit e drejtuar nga Simone Inzaghi triumfuan me rezultatin 2-0. Takimi nisi në mënyrë të shkëlqyer për vendasit, të cilët gjetën rrugën e rrjetës që në minutën e 8 me veteranin gjerman, Miroslav Klose. Lulic dha një asist perfekt për Klosen, i cili i gjendur përballë portierit Handanoviç, nuk e pati të vështirë ta dërgoi topin në rrjetë.
Më pas u zhvillua një ndeshje e barabartë. Por, në minutat e fundit, Interi e kërkoi më shumë golin. Megjithatë, në një dalje në sulm Lazio fitoi një 11-metërsh, 7 minuta para fundit të takimit. Murillo u ndëshkua me karton të kuq, pasi mori të verdhën e dytë. Candreva mori përsipër ekzekutimin e penalltisë, duke u treguar mjaft i saktë. Rezultati shkoi në 2-0 dhe tashmë nuk kishte më kohë për reagim. Tre pikët shkojnë për Lazion, ndërsa Interi tashmë edhe matematikisht është jashtë zonës Champions, kur kanë mbetur vetëm dy ndeshje.
Interi tashmë është edhe zyrtarisht jashtë Championsit. Zikaltërit e Mançinit u mposhtën 2-0 nga Lazio në “Olimpico” dhe për të siguruar matematikisht vendin e 4-t duhet të fitojnë ndaj Empolit javën e ardhshme. Ishte Miroslav Klose ai që hapi serinë e golave teksa në minutën e 8-të përfitoi nga përgjumja e mbrojtjes së Interit, duke mposhtur Handanoviç-in me një parabol të ulët.
Zikaltërit u përpoqën të barazonin shifrat, por rastet më të mira në pjesën e parë i pati sërish Lazio. Bardhekaltërit e Simone Inzaghit e vulosën fitoren vetëm në minutën e 84-t, me një penallti të realizuar nga Candreva pas një faulli të Murillos ndaj Keitas, me mbrojtësin e Interit që mori kartonin e dytë të verdhë nga gjyqtari Luca Banti.
Pas ndeshjes, trajneri i Interit, Roberto Mançinit, ka kritikuar lojtarët e tij për paraqitjen ndaj skuadrës romake, duke thënë se ekipi i tij e meritoi humbjen. “Ne luajtëm shumë keq në pjesën e parë dhe merituam humbjen”, ka thënë Mançini. “Në pjesën e dytë ne kishim më shumë raste, por nuk mund të kontrollonim ndeshjen, në fund rezultati është në favor të atyre që merituan tri pikë”, shtoi Mançini.