Lewandowski: E ardhmja, në Spanjë ose në Angli

Sulmuesi i Bayern Munich, Robert Lewandowski ka pranuar se në një të ardhme mund të luaj në Premier League ose në La Liga. Që pas transferimit të tij tek bavarezët, polaku numëron 95 paraqitje dhe 65 gola të shënuar, statistika që e kanë kthyer atë në një nga sulmuesit më të kërkuar. Bomberi deklaroi se nëse një ditë do të largohet nga Bayern, do të transferohet tek një klub i cili është po aq kompetitiv saç janë bavarezët:
“Ndoshta një ditë do të luaj në Angli ose në Spanjë. Por, për momentin jam i impenjuar me Bayern, pasi e konsideroj si klubin ideal për t’u rritur si futbollist në aspektin teknik dhe për të fituar sa më shumë trofe. Nuk mund të flas me garanci për të ardhmen, pasi për momentin jam i lumtur këtu”, u shpreh ai.
Sipas mediave, e ardhmja e Robert Lewandowski mund të jetë tek Man.City, ku do të ketë mundësinë të vazhdojë bashkëpunimin me trajnerin e ardhshëm të Citizens, Pep Guardiola. Sulmuesi kërkohet gjithashtu edhe nga Reali i Madridit.