Protestës së sotme të banorëve të Unazës së Re i është bashkuar edhe kreu i Forumit Rinor të Partisë Demokratike, Belind Këlliçi.
Gjatë fjalës së tij, Këlliçi shprehur solidaritetin e tij të forcës politike që përfaqëson me kauzën e banorëve, të cilën e quajti historike.
“Ju i treguat Shqipërisë, por edhe Ballkanit e më gjerë, për një kauzë dhe qëndresë historike. Jeni ju që me qëndresën tuaj, me trimërinë tuaj, me shpresën që i keni dhënë shqiptarëve, keni bërë të mundur që të dalë në pah një mega-aferë, e cila u tregoi qytetarëve shqiptarë se cila është fytyra e kësaj qeverie”, u shpreh ndër të tjera Këlliçi.
“Sot, në muajin e 11 të protestës, me heronjtë dhe qëndrestarët e Unazës së Re. 11 muaj shi, diell, acar, 213 arrestime dhe qindra të tjera procedime ndaj banorëve të kësaj zone, nuk ja kanë dalë të zmbrapsin dhe të shtypin qëndresën e qytetarëve, që ruajnë shtëpitë e tyre nga vjedhja dhe babëzia e Edi Ramës me Erion Veliajn”, shkruan Këlliçi në një psotim në Facebook.
